*** خلينى على بالكِ ***
خلينى على بالكِ
خلينى
وجوة فى قلبك
خبينى
أوعى فى يوم تنسى
هوايا
أو مرة تقسى
وتنسينى
خلينى فى عينك
نظراتك
خلينى فى قلبك
دقاتك
وفى حضن الأحلام
ضمينى
خلينى على بالكِ
خلينى
لو يوم حسيتى
بالوحدة
ولقيتى الكون جنبك
خالى
هتلاقى أيديا جيالك
ومعاها الشوق ويا
حنينى
مهما الايام تاخدك
منى
وغرامك يبعد يوم
عنى
مش ممكن يوم أنسى
هواكى
ولا صورتك هتفارق
عينى
خلينى على بالكِ
خلينى
خلينى فى عقلك
أفكارك
خلينى فى الكون ده
مدارك
خدينى من دنيا الحيرة
ولبحر الأشواق
عدينى
خلينى فى ليلك
نجمات
خلينى فى وقتك
لحظات
وزمن الأحزان
نسينى